Avokati që mbrojti Shqipërinë në CAS: Sot do bëj pushim

Avokati i Shqipërisë, Antonio Rigozzi ka qenë i pari që ka dhënë lajmin marrjen e 3 pikëve nga ana e Shqipërisë. “Sot nuk do të punoj”, – mësohet t’i ketë shkruar kreut të FSHF-së, Armando Duka.

45-vjeçari, Rigozzi është arsimuar në Zvicër dhe Harvard. Ai është një nga personat që e meritoi më shumë triumfin e Shqipërisë. Videot, faktet dhe dokumentet kanë qenë provat që ka paraqitur para CAS-it.

“Prova, akte eksperimentimi dhe gjej rastin të falënderoj studion zvicerane, profesor Rigozzin, sepse ishte një mbrojtje e shkëlqyer. Studio që na mbrojti ishte ajo zvicerane “Levy Kaufmann-Kohler që u përfaqësua nga profesor Rigozzi” – tha Duka.

Rigozzi ka qenë pjesëmarrës në më shumë se 60 çështje të arbitrazhit dhe është kryetar i Gjykatës së Arbitrazhit për Atletikë në Zvicër. Ai po ashtu jep mësim edhe në Universitetin e Nojshtalit në Zvicër. /Express/