Sir Ian Wilmut, biologu britanik që ka klonuar delen Dolly në vitin 1996, i ka hapur rrugën një terapie qelizore embrionale për sëmundjen e parkinsonit.
Ai njoftoi se vuan vetë nga kjo sëmundje neurodegjenerative dhe është ofruar si një “eksperiment” për për të testuar trajtimet e reja.
Biologu 73 vjeçar zhvillimore tha se mbështet personalisht një projekt të ri hulumtimi për të ngadalësuar të paktën fazat e përkeqësimit të sëmundjes së Parkinson.
Sipas heraldscotland.com “ai është ofruar me kënaqësi të dhurojë inde, ose t’u nënshtrohet trajtimeve të reja”.
Wilmut pranoi se pasi u diagnostikua me këtë sëmundje katër muaj më parë, ai ende përpiqet të pranojë gjendjen e tij të re.
Ai e kuptoi për herë të parë se kishte diçka kur gjatë një shëtitje me qenin e tij pësoi një krizë dhe papritmas nuk mund të lëvizte.
Wilmut ishte drejtor i parë i Qendrës së re Rigjenerative të Mjekësisë në Universitetin e Edinburgut, që përdori qelizat burimore në terapi eksperimentale për sëmundje neurologjike si Parkinsoni dhe skleroza e shumëfishtë.
I pyetur nëse shpreson se do të shërohet ai u përgjigj në mënyrë flegmatike “gjithmonë ka shpresë, por jo shumë. Unë sugjeroj që ju të më pyesni përsëri pas gjashtë ose shtatë vjetësh”
Mjeku i ka dhënë 10 deri në 15 vjet jetë.
“Nuk është keq. Ju mund të bëni shumë argëtim në këto dhjetë apo pesëmbëdhjetë vjet”- u përgjigj Wilmut.
Sëmundja e Parkinsonit shkakton një humbje graduale të neuroneve që prodhojnë dopamine në tru, kështu që ajo bëhet gjithnjë e më vështirë për të kontrolluar lëvizjet e pacientit që kanë dridhje të gjymtyrëve, dhimbje dhe depresion.
Sëmundja prek një person në 500, sidomos pas moshës 50 vjeçare.
n.s. / dita