Babai merr përsipër vrasjet në Thumanë: Djemtë s’kanë lidhje

Gurali Kora ka marrë përsipër vrasjen e trefishtë të ndodhur në Thumanë dy ditë më parë.

Ai ka shfajësuar djemtë e vet gjatë deklarimeve në polici, pas arrestimit të ndodhur mëngjesin e sotëm.

Kora ka thënë se në pritën e organizuar në orët e vona të së premtes, ka qëlluar vetëm ai, me pistoletë dhe Kallashnikov.

Më tej Kora u shpreh se djemtë e tij nuk kanë qenë fare në vendin e ngjarjes.

“Kam qëlluar unë edhe me pistoletë, edhe me automatik.

Djemtë e mi nuk kanë qenë atë natë në vendin ku ndodhi krimi”, ka thënë ai.

Por, Kora nuk ka mundur të shpjegojë dot arsyen përse djemtë e tij fshihen.

Policia thotë se ka prova, që në vrasjen e trefishtë, kanë qëlluar edhe djemtë e Gurali Korës, gjë që ky e mohon.