Biden, Putinit: Po preke aleatët, SHBA do të ushtrojë agresion

Zëvendëspresidenti i SHBA-së, Xho Bajden paralajmëroi Rusinë se SHBA-ja do të përgjigjet në çfarëdo lloj forme, po ushtrojë agresion ndaj aleatëve të NATO-s. Bajden gjatë vizitës në rajonin baltik para gazetarëve deklaroi se “me agresion të zhveshur rriten harxhimet”. Ai deklaroi se SHBA-ja i kupton obligimet e tyre në korrnizat e NATO-s në ndihmën për mbrojtjen e shteteve-anëtare. Deklarata e Bajdenit vijoi një ditë pasi presidenti rus Vlladimir Putin dhe liderët e Krimesë e nënshkruan marrëveshjen, me të cilën Gadishulli i Krimesë dhe Sevastopoli, qytet me status të posaçëm, menjëherë të bashkangjiten në përbërjen e Federatës ruse.

Mediat perëndimore në raportet nga Uilnusi njoftojnë se Bajden liderëve të Lituanisë dhe Letonisë u ka ofruar bindje se SHBA-ja do ta mbrojë nga agresioni çdo anëtar të NATO-s.  “Të vendosur jemi, pranë aleatëve tanë baltikë, në përkrahjen e popullit ukrainas dhe kundër agresionit rus, tha nënpresidenti amerikan, duke shtuar se derisa Rusia vazhdon të lëvizë në shtegun e errët, do të përballet me izolim gjithnjë e më të madh politik dhe ekonomik. ITAR-TASS e citon Bajdenin se “Uashingtoni shumë seriozisht sillet ndaj obligimeve të veta ndaj alatëve të Aleancës”.  Pikërisht për këto shkaqe paradokohe e përforcuam pjesën e SHBA-së në patrullimin e hapësirës ajrore të Lituanisë, Letonisë dhe Estonisë, tha ai, duke shfaqur shpresë se në përforcimin e pranisë në vendet baltike do të përfshihen edhe anëtarë tjerë të NATO-s.  I.K