Balla: “Baltën” e zgjidh reforma në drejtësi

Deputeti i partisë Socialiste Taulant Balla, duke iu përgjigjur deklaratave të Berishës ka deklaruar se, “pretendimet e PD nuk qëndrojnë fare dhe se është reforma në drejtësi ajo që do t’i japë fund historisë së baltosjes”.

“Ne duam të ngremë institucione të forta të hetimit dhe të gjykimit. Ky që sapo foli ka një qerre me probleme me drejtësinë dhe është gjithmonë njeriu që mundohet të bllokojë.

Rrinte ulur vetë dhe u bënte thirrje deputetëve të tij që t’i binin bankave të Kuvendit”, ka thënë Balla duke iu referuar Berishës.

Nënkryetari i grupit parlamentar të PS është shprehur se, kur pala kërkuese ka legjitimitet në kërkesën e saj, ajo mund të kalojë për të shkuar në Gjykatën Kushtetuese pa qenë nevoja për t’u rënë bankave. “Por, ritheksoj se reforma në drejtësi është mënyra më e mirë për t’i dhënë fund gjithë kësaj”, ka thënë Balla./E.T