Pas largimit nga mbledhja e komisionit, deputeti Taulant Balla ka folur për mediet jashtë mjediseve të Kuvendit.
Ai ka akuzuar Bylykbashin se po bllokon procesin e dekriminalizimit dhe se është një “djalë i papjekur në politikë” që sipas tij, fyen se është i zemëruar për shkak të grindjeve të brendshme të PD-së për kandidaturën e Bashkisë së Durrësit.
“Do t’i drejtohemi Byrosë së Kuvendit që t’i tërheqë vëmendjen Bylukbashit, sepse fyerjet nuk lejohen në Kryesinë e Kuvendit, – tha Balla. – PD po hahet e po grihet pse është Grida dhe pse nuk është Grida në Durrës… Mbledhja e sotme ishte caktuar më përpara, por për shkak të mbledhjes së PD së Durrësit, ajo u shty”.
Sipas Ballës, Bylykbashi “nuk di të drejtojë një komision kaq të veçantë. Një jurist që pretendon se është i aftë, duhet të di në radhë të parë të vendosë stemën dykrenore në shkresat zyrtare të Kuvendit”.
Në fund Balla tha se mazhoranca është gati ta nisë që tani kërkesën për ekspertizë të huaj për dekriminalizimin e politikës shqiptare.