Balla: Klevis Balliu kishte mbushur xhepat me vezë. Të shkarkohet Vokshi!

Kryetari i grupit parlamentar të PS, Taulant Balla dhe se mazhoranca do të kërkojë shkarkimin e kryetares së Komisionit të Medias, Albana Vokshi.

“Sot konstatuam aktin e radhës së thyerjes së rregullores nga një person i propozuar nga PD-ja për të drejtuar Komisionin e Medias dhe Edukimit. Në mënyrë të përsëritur, Vokshi e ka kthyer këtë komision në një mjet personal. Ne jemi duke konsideruar mbi nenet dhe parashikimet e rregullores për të kërkuar shkarkimin e zonjës Vokshi. Ne kemi dhënë konsensusin tonë në kuadër të parashikimeve të frymës së rregullores për një ndarje sipas proporcionalitetit që mbajmë në parlament, ku 5 komisione i takojnë mazhorancës dhe 3 opozitës. Por drejtimi në këtë mënyrë i komisionit është i patolerueshëm”.

Balla, në një deklaratë për mediat nga ambientet e Kuvendit, ka komentuar në emër të socialistëve, debatet në Komisionin e Medias.

Balla ka thënë se ishin 2/3 e deputetëve të Komisionit që kërkuan prezencën e Veliajt dhe Kumbaros në Komision. Balla ka paraqitur dokumentin e procedurës së Komisionit para gazetarëve.

Sipas Ballës, është e papranueshme që një parti politike të dërgojë në Komision deputetë të pajisur me vezë në xhepa për të sulmuar punonjësit e Gardës.

“Një deputet me mbiemrin Balliu se nuk ja kujtoj emrin ka hyrë në Kuvend i armatosur me vezë në të gjithë xhepat e mundshëm që mban në xhaketë apo pantallona. Ndërkohë që ky rast është shoqëruar, dhe këtu dua të jem i ashpër, me akte dhune nga Salianji dhe Noka kundër punonjësve të gardës, të cilat bëjnë akte të përsëritura nga të dy këta deputetë.”

Dua të bëj publik dokumentin që 11 anëtarë të përhershëm kanë kërkuar praninë e Veliajt dhe Kumbaros. E falënderoj Veliajn që pranoi të merrte pjesë në Komision.  Ka qenë kërkesë e 2/3 në Komision.

I bëj thirrje PD-së dhe kryetarit Lulzim Basha të frenojë deputetët e tij nga këto akte të dhunshme.”

l.h/ dita