Deputeti socialist, Taulant Balla, përmes një deklarate për shtyp, bëri publike për mediat disa shifra në lidhje me pasurinë e vajzës së kryeministrit, Argita Berisha Malltezi. Duke krahasuar fitimet e zonjës Malltezi me varfërinë e shqiptarëve gjatë vitit 2011, Balla tha se PS do të vijojë të bëjë publike fakte të tjera për “bllokmenët” e rinj të PD-së.
“Sipas saj çka Argita Berisha deklaroi në 2011-n, pasuria e saj u rrit me 210 milion e 784 mijë lekë gjatë vitit 2011. Papunësia në 2011-n arriti në 1 milion. Rritja ekonomike ishte 0. I vetmi që u rrit ishte korrupsioni. Në kulmin e krizës, vajza e kryeministrit ka shtuar pasuritë. Në Shqipëri nuk mund të gjejmë një person të tillë.
Vajza e kryeministrit paguhet sa zëvendëspresidenti amerikan Xho Bajden. Sipas zonjës Argita, në deklaratën pranë Inspektoratit të LArtë të Kontrollit dhe Deklarimit të Pasurive, ajo fiton 12 milionë në muaj nga mësimdhënia universitare. Po sa janë mësuesit që paguhen kaq? Një drejtor shkolle në Tiranë paguhet 600 mijë lekë në muaj. Pra Argita paguhet sa 20 të tillë së bashku.
Ky është sistemi i padrejtë që ka ngritur Sali Berisha. Meqë Berisha ka kohë që flet për bllokun dhe bllokmenët e rinj, ne nuk do të reshtim së treguari për bllokun dhe bllokmenët e tij”, tha Balla.
Ju Balla dikur ne parlament patet thene se cfar do behet vajza e Berishes.Mos e ke harruar pergjigjen si more?Po cfar .ute burri i thua vehtes o librazhdas qe dikur visheshit si grat.