Barak Obama fiton mandatin e tij të dytë në krye të Shteteve të Bashkuara të Amerikës, duke mposhtur kështu kundërshtarin e tij republikan Mit Romni.
Presidenti i parë me ngjyrë në historinë e Amerikës fitoi 303 vota, mese te mjaftueshme për të fituar garën në kolegjin zgjedhor.
Në fjalimin e mbajtur në Çikago para mbështetësve të tij ai u shpreh se do të vijonte bisedimet me kundërshtarin e tij për një bashkëpunim në mënyrë që vendi të mund të ecë përpara.
Demokratët fituan gjithashtu edhe shumicën në Senat.
Pasi falënderoi mbështetësit e tij, Obama përshëndeti edhe kundërshtarin republikan duke i përgëzuar për fushatën shumë të fortë.
Obama tha se po kthehej në Shtëpinë e Bardhë edhe më i vendosur se më parë dhe më i frymëzuar për punën qëduhet kryer dhe për të ardhmen që shtrihet përpara. “Ne jemi një familje amerikane dhe ne ngrihemi dhe biem së bashku”, deklaroi ai.
Ndërkaq, nga Bostoni, ku ishte dhe qendra e fushatës së tij, kandidati republikan Mit Romni, i cili humbi zgjedhjet, tha se ai kishte dhënë gjithçka në këtë fushatë. Por lidhur me problemet aktuale ekonomike, ai tha se nuk është koha për t’iu kundërvënë njëri-tjetrit, por republikanët dhe demokratët duhet të bëheshin bashkë “për të vënë njerëzit mbi politikën”.