Lulzim Basha, kreu i Partisë Demokratike u është përgjigjur kritikëve të tij nga qyteti i Gjirokastrës në lidhje me listat e kandidatëve për deputetë.
Duke folur gjatë mitingut elektoral, Basha tha se ndryshimi për të rrëzuar Republikën e Vjetër dhe Edi Ramën fillon nga vetja. Ai deklaroi se edhe brenda PD-së askush nuk e ka të përhershme karrigen, dhe kjo është pjesë e ndryshimit.
“Që ta mundim me votë më 25 qershor njerëzit duhet të besojnë që ne nuk jemi këtu të bëjmë estradë. Ndaj ndryshimi ka filluar në shtëpinë tonë. Askush në PD nuk e ka të ngjitur karrigen pas vetes. Unë kam marrë vendime si kryetar i opozitës, kam krijuar ekipin tim fitues, ndonëse janë vendime të vështira janë vendime të drejta në kohën e duhur. Është koha për vendime të forta, të mëdha.
Ne bashkë në Çadrën e Lirisë kemi marrë vendim të madh, nuk do ta lëmë më të jetë si më parë Republikën e Vjetër, frutat e demokracisë do t’i gëzojë çdo shqiptar dhe çdo shqiptare dhe që të ndodhë kjo duhet t’i japim fund pazarit politik të Republikës së Vjetër”, tha Basha nga Gjirokastra.
Po pse o lolo, hala me kete llafollogji vazhdon ti fushaten, ,kujton se ke para auditorit 200 petritat e tuaj , jo or jo ke para nje popull qe eshte ngopur tej mase me qeverisjen tuaj dhe me njerzit e vjeter me te cilin do ngresh ngrehinen pa themele te Republikes se Re te endrrave te tu ne diell.