Basha e refuzoi, Rama: Ai nuk është lider, por është një udhëndjekës i Saliut dhe Ilirit

Kryeministri Edi Rama ka ftuar sërish sot nga Kamza Lulzim Bashën që të bashkëpunojnë së bashku, për hir të të ardhmes së të gjithë shqiptarëve.

Rama tha se me refuzimin e tij dje Lulzim Basha tregoi dhe një herë tjetër se është ndjekësi i rrugës së  Sali Berishës dhe Ilir Metës, dhe nuk ka vizion për ta çuar vendin përpara.

“Unë i thashë dje një gazetari, që PS pa diskutim që do ti fitojë zgjedhjet, por çështja është si ne do të shkurtojmë kohën, do afrojmë të ardhmen shumë më shpejt sesa përndryshe do ta preknim, nëse nuk do të bëheshim bashkë, bashkë. Bashkë!

Dhe ai më pyet dhe më thotë, e di fitoren e di, se ajo as nuk diskutohet, fitorja nuk është as për mua, as për deputetët, për politikanët, drejtorët, ministrat, fitorja është për njerëzit e zakonshëm të këtij vendi.

Përgjigja e Bashës dëshmoi që ai nuk është lider, por është një udhëndjekës i Saliut dhe Ilirit. Unë për shqiptarët jam i gatshëm që të shkoj përtej ndasie të 30 viteve. Për ta bërë këtë duhet të jesh mirë së brëndëshmi.

Që të jesh një lider duhet të rrish pa gjurmë kur njerëzit janë pa çati, apo pa gjumë se kanë ankthin si do të dalin nga pandemia”, u shpreh Rama.

Gjatë ditës së djeshme kryeministri Edi Rama ftoi Lulzim Bashën që pas 25 Prillit të shohin mundësinë e bashkëpunimit në interes të vendit, por reagimi i krydemokratit që i prerë duke thënë se ”koha e Edi Ramës ka mbaruar