Kryetari i partisë Demokratike Lulzim Basha ka komentuar shifrat e fundit të bëra publike nga Banka e Shqipërisë në lidhje me kreditimin e ekonomisë në vend, që sipas tij ka rënë gjatë muajit korrik.
Deklarata e plotë e Lulzim Bashës:
Lajme të këqija vijnë nga ekonomia e vendit që vazhdon të tkurret e të dobësohet.
Shifrat zyrtare te Bankës së Shqipërisë konfirmuan se kreditimi i ekonomisë në korrik 2016 ra 0.3% krahasuar me një vit më parë. Kjo ka ardhur si pasojë e uljes me 1.7% të kreditimit për bizneset. Krahasuar me një vit me parë, por edhe nga muaji ne muaj situata vjen në përkeqësim.
Gjatë muajit korrik kreditimi ra me 0.5% krahasuar me muajin qershor, dhe kjo si pasojë e uljes me 1.2% të kreditimit të bizneseve.
Rënia e kreditimit do të thotë rënie e investimeve, më pak vende pune, më pak konsum, më pak prodhim. Të gjitha shenja se ekonomia dhe biznesi kanë hyrë në ciklin e zi të krizës së madhe. Vetëm në muajt maj dhe qershor 4 mijë biznese ndaluan aktivitetin.
Rënia e kreditimit është sinjali më i fortë i mosbesimit dhe panikut që ka mbërthyer ekonominë e biznesin.
Ekonomia dhe biznesi sigurisht do të njohin rënie e zvogëlim, sepse duhet të përballojnë dy realitete të paligjshme, ekonominë e biznesin e korrupsionit qeveritar dhe ekonominë e biznesin e drogës.
Ekonomia e biznesi i ndershëm është drejt falimentimit sepse të gjithë tenderat, koncesionet, pasuritë e paratë e shqiptarëve i marrin një grusht oligarkësh, që janë fitues të paracaktuar si miq të Edi Ramës.
Ekonomia e biznesi i ndershëm është drejt mbylljes së qepenave e në vend të tyre lulëzon biznesi i bandave të drogës të cilët fitojnë miliona euro cdo muaj në mënyrë të paligjshme, dhe kanë licencën e Edi Ramës në këmbim të taksës 30 përqind për çdo rrënjë.
Edi Rama vazhdon të krihet para kamerave, ndërkohë që ekonomia e biznesi i vendit po shkrumbohen.
Dje foli për arritjen e madhe, se ka dërguar ujë për vaditje atje ku nuk shkonte prej 20 vitesh. Po është e vërtetë, është uji që shkon për të vaditur parcelat me drogë, në vende ku nuk ishte parë e dëgjuar në këto 20 vite. Peshkopia ka dy dite pa uje. Po kështu dhjetëra qytete e mijëra fshatra anembane vendit.
Ky realitet i ka bërë shqiptarët më të vetëdijshëm se kurrë për keqeverisjen, për krimin e korrupsionin. Ka rrugedalje, ka shprese, ka zgjidhje. Largimi i te keqes qe ka kapur peng vendin eshte hapi i pare.
#Shqipëria më mirë pa Edi Ramën.
Reforma ne drejteso do mbushin buxhetin me konfiskimin e parave qe keni vjedhur ne kurrize te popullit.Me keto do hapen vende pune dhe do forcohet ekonomia.Ndaj mos u merakos.
Sikur te vish ti o Lulush ta forcosh ekonomine , te na besh edhe nje hata si me rrugen e kombit e shikon o Lulush se sa pak ke shpenzuar dhe sa bukur dhe e sigurte ka dale .
Te vish o Lulush dhe te perfundosh marreveshjen per detin ose tu versulesh qytetareve tu me duar ne xhepa ne mes te bulevardit ose sic ishe te bashkia per te fjetur gjume , pas cdo zgjimi zgjoheshe bashke me nje pallat te ri ne mesin e nje lulishteje .