Basha i sulet arkitektit danez të teatrit: Do jesh non-grata në Shqipëri!

Kryetari i PD Lulzim Basha ka paralajmëruar arkitektin danez të projektit të teatrit, Bjarke Ingels se do trajtohet si non-grata në Shqipëri.

Basha shprehet me një postim në Twitter se arkitekti danez po kthehet në një bashkëpunëtor i vjedhjes së tokës së teatrit në Tiranë për interesat narkomafioze të Edi Ramës.

“Bjarke Ingels është një bashkëpunëtor në grabitjen e tokës nga narkomafia e udhëhequr nga kryeministri Edi Rama, ndaj paralajmërohet: do të trajtohesh si non-grata nga komuniteti i artistëve dhe populli i Tiranës”, shkruan Basha.

Kreu i opozitës ka shpërndarë një artikull në anglisht të exit.al, të cilët kanë verifikuar deklaratat e arkitektit danez mbi shembjen e teatrit kombëtar në Tiranë.

Bjarke Ingels a complicit in the narcomafia land grab led by PM Edi Rama, be warned: you will be treated as non-grata by the community of artists and the people of Tirana. https://t.co/hMt8GrvYlq

— Lulzim Basha (@lulzimbasha_al) July 6, 2018

l.h/ dita