Basha ka me vete shumicën dërrmuese të Partisë Demokratike!

Salës as në mend s’i kishte shkuar,
një kohë me Bashën për t’u përplasur,
tani kohët kanë ndryshuar,
Berisha s’e ka mbështetjen që ka pasur!

Lumpenin Saliu e ka me vete,
nëse do bëjë skuadronet e luftimit,
po shumica dërrmuese e strukturave,
janë pa dyshim të Lulëzimit!

As Luli s’e kish menduar këtë ditë,
përplasjen me babain e tij shpirtëror,
po duke pastruar rrugën nga kundërshtarët,
ka fshirë dhe njerëzit e fatziut Doktor!

Në Shqipëri kush ka vulën dhe zyrën,
ka pa dyshim dhe partinë,
e kush do sakrifikojë për Sali zgjyrën,
tani që ka rënë në greminë?!

Një ndeshje me partinë legale,
kërkon veç të tjerash shumë para,
po duke mbyllur shumë skandale,
i janë rralluar dhe thasët me para!

E kush do vejë pas kalit të ngordhur,
të ashtuquajturit lider historik,
demokratë e aleatë janë të lodhur,
dhe të ngjirur nga thirrja:”Rama ik!.”

Këtu mbështetja për Berishën ka rënë,
as minimbështetje s’ka nga Bota,
në zgjedhjet e fundit Tirana i ka dhënë,
diku aty tek tremijë vota!

Sido që ta shohësh Saliun,
nuk ka ndonjë shkëlqim në Partinë Demokratike,
ai sot ka rënë,
në minimume historike!

Fjalët e tij si pordhët e ujkut,
kur thotë se më ka zgjedhur Sovrani,
dhe mbështetësi i tij më i madh,
është budalla Tritani!

E kam fjalën për Tritan Shehun,
që dikur në PD-ë ka qënë koka,
dhe fill pas tij jo thjesht’ për rimë,
vijnë Noka dhe Paloka!

Berisha mund të bëjë parti të re,
duke bërë një front me LSI-në,
po Monika për inat të vjehrrës,
nuk do të flejë me mullixhinë!

Meta do të ikë nga presidenca,
me siguri për të ardhmen ka bërë plane,
dhe për të shpëtuar -sa mund të shpëtojë,
nuk mund të bëhet pjesë e një partie antiamerikane!

Duket se kësaj here,
Berishës i janë mbyllur gjithë dyert e fatit,
saqë sot mund të kërkojë strehim politik,
vetëm në Republikën e Lazaratit!

A.DUKA