Basha ka një plan për Shqipërinë, po Shqipëria nuk ka asnjë plan për Bashën…

Luli ka dalë nga tuneli,
nuk është më në zgrip,
ka një plan të madh shpëtimi,
program dhe ekip!

Do shpëtojë Shqipërinë,
kështu i ra fati,
për të marrë qeverinë,
Luli është gati!

Dhe dy ditë e sos fushata,
siparin do uli,
po vatani asnjë plan,
s’ka për shokun Luli!

Asnjë plan për shokun Luli,
nuk ka Shqipëria,
se ka lënë në çdo post,
gjurmë të këqija!

Nëpër zyrat që ka qënë,
s’ka fjetur veç gjumë,
po ka bërë krime-që vëndit,
i kushtojnë shumë!

Sa u vodh tek Rrugë e Kombit,
s’do ta dimë kurrë,
se Luli nuk shkoi në gjyq,
se qe i sëmurë!

Në ndonjë gjykatë të Globit,
s’do ketë ndodhur kurrë,
që të treten miliarda,
veç për procedurë!

Lulashi ka bërë hatara,
ndaj dhe ja kujtojmë,
se dhe vrasjet e Janarit,
mbi Lulin rëndojnë!

Po Saliu e gradoi,
e bëri të Jashtëm,
tradhtia kombëtare,
e bëri të famshëm!

Ky që konkurron tani,
me numrin Gjashtë,
përjetë një litar me grekun,
na e ka lënë jashtë!

Greku Lulin mezi pret,
që të marrë pushtetin,
që të mbaroi misionin,
t’u rikthejë detin!

Pa le ç’i gjizosi fare,
punët e Bashkisë,
kryetari më i dobët,
i gjithë historisë!

Eri ja nxorri kallain,
fare Lulëzimit,
shiko ç’punë bëhen sot,
dhe bëj krahasimin!

Këto gjëma edhe bëma,
që ka Lulëzimi,
se kuptoj si mund të ketë,
sot një plan shpëtimi!

Po Edvini këto gjëra,
s’ja tha në fushatë,
sepse kishin rënë dakord,
të bënin gallatë!

A. Duka