Për kryetarin e PD përplasja me tone të ashpra mes Ramës dhe Berishës në sallën e Kuvendit është një shfaqje që prodhohet nga kryeministri Rama me synim që të tërheqë vëmendjen nga gjendja reale e vendit, nga zgjedhjet e vjedhura dhe nga milionat eurot e vjedhura.
Basha tha se shefi i qeverisë dhuroi shfaqjen e një të droguari.
“Edi Rama vendosi në fillim të mos vinte në këtë seancë. Më pas erdhi në gjendje të rënduar fizike. Ky është shqetësim, pasi Edi Rama gjithmonë ka refuzuar të bëjë testin e drogës dhe paraqitet në gjendje të rënduar psikike në Kuvend”, tha Basha.
Sipas kryedemokratit, Rama “për herë të dytë brenda 2 javëve ka bërë atë që e bënin përfaqësuesit e diktaturës, e ka quajtur Zërin e Amerikës, kazan, siç bën me mediat në vend”.
“Kjo pasi VOA ka publikuar një hetim të thelluar që tregon se si Edi Rama e mori pushtetin në 2017 me vota të blera me paratë e drogës. Vetëm maja e ajsbergut të një përgjimi të vetëm tregon se si nga disa qarqe Edi Rama ka sjellë këtu, ka trafikuar këtu në këtë Kuvend kukulla të krimit”, theksoi Basha.
Në përfundim të fjalës së Bashës, deputetët e PD janë larguar nga salla e Kuvendit.
l.h/ dita
Rama testin e droges e ti lulke testin e ADN-es!
Sidoqe ti dale ADN-ja Bashes nuk ka fort rendesi, por dermani po qe se del Rama i droguar si i behet?????!!!