“Basha nën shembullin e babait politik firmosi punët e pista”

Partia Socialiste i kërkoi sërish sot shpjegime ish-kryebashkiakut të Tiranës, Lulzim Basha në lidhje me lejen për ndërtimin e një pallati në Tiranë.

Deputeti Alfred Peza tha se qytetarët kërkojnë përgjigje nga Basha se pse e kishte zgjatur dy vjet lejen e ndërtimit për pallatin në zonën e ish-Bllokut. Ai thotë se ambasada e Zvicrës ishte në proces gjyqësor me pronarin e pallatit.

“Përse ish-kryetari I Bashkisë, nën shembullin e babait të tij politik Sali Berisha, firmosi gjithë punët e pista pasi zgjedhjet kishin mbaruar, numërimi I votave kishte përfunduar dhe kundërshtarët kishin uruar njëri-tjetrin? Si mund të legjitimosh një pallat që nuk ka respektuar lejen e mëparshme të ndërtimit; që nuk ka garazhe dhe që është ngjitur me dritaret e gjeniut të letrave shqipe, Ismail Kadare?”, tha ai. / Dita/