Basha “përkthen” raportin e FMN-së: PPP po vjedh paratë e shqiptarëve

Në një dalje për mediat, kryetari i PD-së, Lulzim Basha thotë se Rilindja Urbane ka qenë shpërdorim i madh i parave të shqiptarëve, duke mos patur asnjë përfitim.

Duke folur për raportin e FMN-së, ai tha se qeveria nuk ka siguruar më investime të huaja në vend, teksa shprehet se Shqipërisë po i kanoset rreziku nga PPP.

“PPP ka vetëm një qëllim, vjedhjen e parave të shqiptarëve për klientët e Edi Ramës. Vitet e fundit po kthehen në mjetin kryesor për pastrimin e parave të pista të krijuara nga dorga dhe krimi i organizuar. I gjithë projekti 1 miliardë është mashtrues ku kombinohet vjedhja e parave publike dhe qarkullimi i parave të pista në shërbim të Edi Ramës”, tha Basha.

Ai tha se shqetësimet që ka ngritur PD dhe opozita në këto 4 vite janë të konfirmuara në raportim.

“Efektet e shkatërrimit ekonomik që Edi Rama i ka sjell vendit janë të dukshme. Misioni i FMN-së ka bërë paralajmërime kritike dhe serioze për të ardhmen e vendit. FMN ka lëshuar mesazh të qartë se gjendja ekonomike e Shqiëpërisë do të përkeqësohet. Mbarimi i TAP dhe Devollit, investime të PD do e thajnë ekonominë nga financimet e huaja që janë të domosdoshme për të krijuar punësim e mirëqënie dhe për të rritur ekonominë, dhe kjo qeveri nuk ka krijuar investime të reja për ekonominë. Mbarimi i këtyre dy investimeve do të sjellë rënien ekonomike”, u shpreh më tej ai.

Basha i cilësoi paratë e shqiptarëve si të shpenzuara pa sens për projekte investimesh, të cilat sipas tij nuk kanë leverdi ekonomike.

s.a/dita