Basha: Projekti i tramit do bëhet (po kur, se mandati po të mbaron)

E mbani mend projektin e tramit të prezantuar gjatë fushatës për t’u zgjedhur në krye të Bashkisë së Tiranës nga Lulzim Basha?

Ishte një nga premtimet e tij më të mëdha.

Por, tashmë kur po e përfundon mandatin e tij si kryebashkiak, trami ka mbetur ende një ide.

Pavarësisht kësaj, Basha thotë se ai projekt do të ecë përpara.

Kjo bëhet e ditur nga një deklaratë e PD-së, pas një takimi që Basha ka pasur me ambasadoren franceze në Tiranë.

“Një mirënjohje të veçantë, Basha i shprehu ambasadores franceze për mbështetjen financiare dhe me ekspertizë teknike që ajo dhe vendi i saj i kanë dhënë projektit të Tiranës moderne dhe europiane dhe veçanërisht projektit të tramit i cili pret garancinë sovrane nga qeveria për t’u realizuar.

Basha u shpreh optimist se pavarësisht debatit politik, projekti i tramit do të zbatohet dhe shprehu angazhimin e tij për të bërë gjithçka që ky projekt të shkojë përpara”, thuhet në deklaratën e PD-së.

Ndërkohë, Basha ka përsëritur gjatë këtij takimi, se PD nuk e pranon ndarjen e re territorial./b.l