Bashën e tradhëton sërish zëri: Zëri im ikën, zëri im bie, por është zëri i drejtësisë (VIDEO)

Pavarësisht përmirësimeve, Lulzim Basha është tradhëtuar sërish nga zëri.

Fillimisht ai ka folur me zë të plotë. Por, nga fundi i fjalimit, Bashës i është dridhur disa herë zëri. Ndërsa kur e ka ngritur atë për të denoncuar qeverinë, i ka ikur fare.

“Kanë ardhur kohë të vështira” thuhet kur pllakos ndonjë fatkeqësi a krizë. Por sot në Shqipëri kjo frazë e hershme thuhet ndryshe: Kanë ardhur Rama dhe Meta. Dhe kanë të drejtë….  Shkunduni dhe kuptoni, hapni veshët dhe dëgjoni:
Sipas kontratës së qershorit 2013 me qytetaret keni obligimin:
– të hapni 300 mijë vende pune;
– të legalizoni falas shtëpitë dhe pronat;
– të ulni taksat për 95% të shqiptarëve;
– të ulni cmimin e energjisë;
– të siguroni shëndetësi falas për të gjithë.
Ka një rregull në botën demokratike. Kur nuk përmbush kontraten, nuk dhunohet qytetari, por jepet doreheqja. Nese nuk nuk do përmbushni detyrimet, do largoheni”- vijoi Basha.

Po shkonte drejt fundit, por zëri nuk e ndihmoi si në fillim

I vënë në siklet nga kjo gjë, ka thënë që të mos merren me zërin e tij. “Zëri im ikën, zëri im bie, por zëri im është zëri i protestës, është zëri i qytetarëve, është zëri i drejtësisë.

Ndaj dëgjo zërin e qytetarëve dhe reflekto sa nuk është vonë”, tha ai.

Me sa duket, Bashës do t’i duhet ende kohë që të marrë leksione shtesë nga Berisha i cili gjatë 24 viteve është bërë profesionist për mitingje.