Shefi ekzekutiv i WhatsApp, Jan Koum, do të heqë dorë nga aplikacioni i komunikimit.
Përmes një postimi në “Facebook”, ai tha se kërkon të marrë pak kohë për të bërë gjëra të tjera, të cilat gjenden jashtë fushës teknologjike.
Në postimin e tij, Kuom tha: “Ka kaluar pothuajse një dekadë që kur Brian Acton dhe unë kemi filluar WhatsApp-in dhe ka qenë një udhëtim mahnitës me disa nga njerëzit më të mirë, por është koha për mua të ndaloj këtu.
Ekipi është më i fortë se kurrë dhe do të vazhdojë të bëjë gjëra të mahnitshme…Dhe unë do të jem ende i lumtur për WhatApp, por nga jashtë”.
Por, sipas një raporti të Washington Post të publikuar të hënën, Koum ishte ndeshur me kompaninë “Facebook” lidhur me strategjinë ndjekëse të WhatsApp-it.
Megjithatë, në postimin e tij, Koum kundërshtoi ekzistencën e përpjekjeve të “Facebook” për të përdorur të dhënat personale të WhatsApp, si dhe për të reduktuar standardet e kompanisë mbi enkriptimin.
WhatsApp u themelua në vitin 2009 nga Brian Acton dhe Koum, përpara se t’ia shisnin “Facebook”-ut për 19 miliardë dollarë.
s.a/dita