I dyshuar si vrasës me pagesë, por që tani ka statusin e bashkëpunëtorit të drejtësisë shqiptare, Kristi Pine, ka tentuar vetëvrasjen në ambientet e qelisë së paraburgimit. Ngjarja ka ndodhur gjatë ditës së djeshme rreth orës 21:00, kur Pine ka dëmtuar venat e dorës me stilolaps.
Me ndërhyrjen e personelit të burgut dhe atë mjekësor, Pine është dërguar në urgjencën e Qendrës Spitalore Universitare “Nënë Tereza” ku i është nënshtruar një ndërhyrje kirurgjikale.
Pas ndërhyrjes Kristi Pine është rikthyer në qelit e Spitalit të Burgut për vazhdimin e mjekimeve.
Po të njëjtat burime nga Drejtoria e Përgjithshme e Burgjeve kanë thënë se shkak për këtë veprim ka qenë gjendja e rënduar psikologjike.