Ministrja e Zhvillimit Urban dhe Turizmit, Eglantina Gjermeni në intervistë për agjencinë greke të lajmeve, deklaroi se së shpejti do të nënshkruhet marrëveshje bashkëpunimi mes dy vendeve në fushën e turizmit. “Mbeten disa çështje të natyrës teknike dhe shumë shpejt do të nënshkruajmë marrëveshjen e bashkëpunimit, që konsiston në ofrimin e njohurive dhe përvojave nga kompanitë private greke që aktivizohen në zhvillimin e turizmit. Gjithë suksesi i Greqisë në fushën e turizmit, pasi ka një traditë të gjatë në zhvillimin e turizmit, do të jetë i dobishëm për Shqipërinë”, theksoi ministrja Gjermeni.
Gjermeni u takua me homologen greke, Olga Kefalojanis, ndërsa ftoi investitorët grekë të aktivizohen në Shqipëri, duke theksuar se ka hapësira të gjera bashkëpunimi të Shqipërisë me Greqinë, përtej shkëmbimit të turistëve.