Të gjithë studentët të cilët jetojnë në Qytetin Studenti do të mund të shfrytëzojnë pa pagesë shërbimin e internetit. Pas ofrimit të shërbimit “Free Wi-Fi” në sheshin “Skënderbej”, Bashkia e Tiranës ka startuar nismën “Tirana Smart City” për ofrimin e internetit falas edhe në kampusin e “Qytetit Studenti”.
Të gjithë dhomat e studentëve në të gjitha godinat e këtij kampusi do të jenë të pajisura me internet, ndërkohë që akses do të ofrojnë edhe sallat e leximit.
Për të lehtësuar jetën e studentëve në këtë kampus, Bashkia e Tiranës ka vendosur që shërbimin e internetit falas ta ofrojë edhe në të gjithë ambientet publike.
Paralelisht, në “Qytetin Studenti” ka filluar puna për rehabilitimin e godinave nga Bashkia Tiranë, me qëllim ofrimin e të gjitha kushteve të nevojshme për studentët e ardhur nga rrethet për të studiuar.
o.j/dita
Normal që po, se kur paftyrësia nuk ka formë, ka propagandë!!! Ja, tani me internetin, e gatiti Bashkia. Po nga dolën lekët tani, po iu dha ndonjë tender Albtelekom-it? Pse nuk u bë deri tani? Kush duhet të përgjigjet penalisht, se civilisht nuk përgjigjet njeri në atë vend? Dhe së fundmi, po dhomat, u rregulluan, apo sërish duan të mbajnë studentët jashtë protestave?