Investimeve të reja të Bashkisë së Tiranës në zonë e Kasharit po i gëzohen jo vetëm qytetarët e thjeshtë, por edhe të djathtët të cilët janë bindur tashmë se bindjet e tyre politike nuk duhet të kalojnë mbi interesat e familjes dhe të fëmijëve të tyre.
Shembulli më i qartë i kësaj ishte ngjarja e sotme ku gjatë një transmetimi live në Njësisë nr. 14, në kufi me Kombinatin, pranë “Fabrikës së Qelqit”, kryetari i grupseksionit të PD-,së Lek Dushaj, pavarësisht se militon si i djathtë, falënderoi kryebashkiakun Veliaj për këtë ndryshim që ka ndodhur në bllokun e pallatit ku ai vetë banon.
Për më tepër lexoni bashkëbisedimin: Lek Dushaj: Z. Veliaj.
Veliaj: Po i dashur.
Lek Dushaj: Unë quhem Lek Dushaj, i djathtë prej 50 vjetësh, i zhgënjyer këto vitet e fundit.
Ne kemi pasur disa probleme këtu duke përjashtuar këtë që bëtë e jashtëzakonshme, ja kam thënë banorëve hajde mblidhemi, hamë e pimë këtu se është një gjë e jashtëzakonshme.
Kemi ndenjur prej kaq vitesh në pluhur. Veliaj: E di, e mbaj mend si ka qenë rruga, u vendos ndriçimi led.
Kur kam ardhur këtu përpara 4 vitesh inertet e pallatit ishte tabani i rrugës.
Lek Dushaj:Ka qenë katastrofë ta them unë.
Veliaj: Tani jemi dita me natën .
l.h/dita