Barcelona është superfavorite në kampiona dhe “El Classico”, Bajerni në Champions
Real Madrid ka thyer çdo rekord në merkaton e futbollistëve, megjithatë ka shumë që nuk do të habiteshin nëse ky ekip nuk do të fitonte asnjë trofe këtë sezon. Për bastexhinjtë, skuadra e Karlo Ançelotit nuk është favorite në asnjë nga kompeticionet ku merr pjesë. Në kampionatin spanjoll, favorite është Barcelona, me koeficientin 1.4 për të fituar titullin, ndërsa për Realin kuota është 3.6. Në Champions League, madrilenët janë sërish poshtë Barcelonës, veçse në vendin e tretë, pasi favorit shihet Bajerni i Munihut. Pas fitores mbresëlënëse kundër Manchester City, skuadra kampione kuotohet me koeficientin 4 për të mbrojtur titullin, ndërsa Barcelona e ndjek me 5.26 dhe Real me 5.8. Ndërkaq, Barcelona kuotohet si favorite edhe në “El Classico” që do të luhet pas dy javësh në “Camp Nou”. 1.87 jepet fitorja për katalanasit, 4.35 për Realin, i cili është shfaqur zhgënjyes këtë sezon në ndeshjet larg Madridit, edhe pse ka marrë rezultate.