BE: Jemi gati të ndëshkojmë Turqinë për ofensivën në Siri

Në ditën e gjashtë të ofensivës së Turqisë ndaj Sirisë, BE ka marrë masa ndëshkuese ndaj Turqisë.

Në një konferencë për mediat, zyrtarja e lartë e BE, Federica Mogherini, u shpreh se operacionet ushtarake të Turqisë po i hapin rrugë ringritjes së Shtetit Islamik, çfarë përbën një shqetësim serioz për Evropën.

Ajo shtoi se ka dy konkluzione të rënda kundër Turqisë, të cilat do të diskutohen në takimin e ministrave të Jashtëm të BE.

Ajo tha: “Siria dhe aktiviteti i Turqisë në Mesdhe, janë dy pikat e axhendën. Kemi një konsensus, një pozicion të përbashkët, së pari për zhvillimet ne Siri.

Ka një ndërhyrje nga ana e BE për operacionet e Turqisë si dhe mbështetje të fortë për procesin e ndërmjetësuar nga OKB”.

Në vijim Mogherini shtoi: “Ka një kërcënim për BE dhe gjithë rajonin, ndaj dhe duam që kjo çështje të zgjidhet. Ka një dënim nga BE për operacionet ushtarake të Turqisë në Siri.

Kemi një angazhim sa i përket krizës humanitare dhe të refugjatëve për njerëzit në nevojë. Ne i kemi miratuar konkluzionet për naftën në Mesdhe, duke respektuar marrëveshjen ndërkombëtare dhe fqinjësinë e mirë”.

e.ll./dita