David Beckham do të mungojë në përballjen e Paris Saint Germain me Valencian. Trajneri i Paris Saint Germain, Carlo Anceloti, ka publikuar listën e 20 lojtarëve të grumbulluar për ndeshjen e parë të 1/8 të Ligës së Kampioneve ndaj Valencias, ku bie në sy mungesa e David Beckham dhe Thiago Silva. Duket se mesfushori veteran anglez nuk është në formën fizike më të mirë dhe do të vazhdojë stërvitjen për rifitimin e saj duke shtyrë debutimin e tij me ekipin e kryeqytetit francez. Ndërsa Thiago Silva nuk është rikuperuar ende nga dëmtimi në këmbën e majtë, dëmtim që e pësoi më 11 janar ndaj Ajaccio.
Ndeshja Valencia-PSG është parashikuar të luhet të martën në orën 20:45.