Karim Benzema mori një lajm të mirë, por jo ai që dëshironte. Gjyqtari i cili merret me rastin Valbuena, Nathalie Butard, vendosi të enjten të heqë masën që rëndon mbi lojtarin e Real Madrid për të mos takuar shokun e tij të përfaqësueses.
Por ky vendim është apeluar nga prokurori dhe për këtë pritet që të shqyrtohet nga Gjykata e Versajës. Në këtë mënyrë masa nuk merr një efekt të menjëhershëm dhe Benzema duhet të presë.
Megjithatë duket një hap afrimi me përfaqësuesen dhe ndoshta të shpresojë te një grumbullim nga trajneri Didier Deschamps për finalet e Euro 2016.
Karim Benzema akuzohet se është përfshirë në shantazhin për videon me përmbajtje seksuale ku shfaqej Mathieu Valbuena, të cilit i kërkuan para për ta zhdukur videon. Ky skandal solli një furtunë te Benzema dhe pezullimin e përkohshëm nga përfaqësuesja e Francës, kundërshtare e Shqipërisë në Europian.