Berisha ankohet për provimet e maturës

Deri më tani nuk e kishte prekur arsimin, por ja që kjo është periudha e provimeve të maturës, e diçka duhet thënë. Ish-kryeministri Berisha, si i ndjeshëm që është, kërkon kryengritje edhe nga maturantët. Nëpërmjet një statusi në Facebook i bën thirrje për vlerësim objektiv në provime: “Këto dy ditë në rrjetin tonë social kanë ardhur qindra mesazhe dhe komente, në të cilat maturante nga i  gjithë vendi shprehin pakënaqësinë e tyre të madhe për vlerësimin, jo objektiv sipas tyre, të provimit të letërsisë. Ata më janë lutur që shqetësimi i tyre serioz të pasqyrohet në rrjetin tonë. Duke qëndruar gjithnjë në mbështetje të vlerësimit objektiv të provimeve, i bëj thirrje Ministrisë së Arsimit të dëgjojë zërin e tyre dhe të bëjë me transparencë të plotë rivlerësimin e  pavarur të provimeve të maturantëve që pretendojnë se nuk janë vlerësuar objektivisht! Sb”, shkruan Berisha. Po  mirë mo zotëri, në 8 vitet e qeverisjes e bërë lëmsh maturën shtetërore, gjithë kode e manovra. Duhet të bësh një shkollë me vete që të kuptosh se si të marrësh shkollën e parë.