Australi – Besart Berisha shënoi dy gola, por Brisbane Roar u mund 3-2 nga Melbourne Heart. Kampionët e panë veten në disavantazh të tre golave, por 23 minuta para fundit skuadra kundërshtare mbeti me dhjetë lojtarë. Sulmuesi shqiptar shënoi nga pika e bardhë në minutën e 74-t dhe dy minuta më pas rihapi plotësisht ndeshjen me golin e dytë. Por koha e mbetur nuk mjaftoi për të shënuar golin e mrekullisë dhe Brisbane u detyrua të pranonte humbjen e tetë për këtë sezon, duke qenë shumë larg formës së kampionatit të kaluar.