Berisha e konfirmon, Jozefina Topalli rikthehet në PD

Ish-nënkryetarja e Partisë Demokratike, Jozefina Topalli do të rikthehet sërish në parti.

Lajmi është i bërë i ditur nga ish-kryeministri Sali Berisha mbrëmjen e kaluar në emisionin ‘Të paekspozuarit’ në MCNTV.

Berisha tha se Topalli do të jetë anëtare e Këshillit Kombëtar.

Marrim Jozefina Topallin. Ajo i ka thënë gjërat doktor edhe para jush, se ju tani po i thoni. Pse nuk është Jozefina në PD? Përse nuk po i riktheni këta që largoi padrejtësisht Lulzim Basha?

Sali Berisha: Ajo do të rikthehet në PD, do të jetë anëtare e Këshillit Kombëtar. Për hapjen, dy do të jenë drejtimet. Së pari, rikthimi i të gjithë vlerave në PD. Së dyti, afrimi me PD, i dhjetëra, qindra, specialistëve, ekspertëve, intelektualëve, të formuar, në Shqipëri dhe jashtë. Nëse patë KOP-in në 2005, ju garantoj se ai do të tejkalohet shumë herë. Po punohet intensivisht në këtë drejtim.

j.l./ dita