Revolta e Saliut në Facebook

Të përndjekurit, që thonë se janë ngujuar në një grevë urie, por që u ekspozuan në nje emision në “Fiks Fare”, thonë se nuk kanë ngrënë bukë. Emisioni “Fiks Fare” zbuloi se ata jo vetëm që hanë, por dalin nëpër lokalet e zonës, madje disa edhe flenë në shtëpinë e tyre. Por kryetari i grevës së urisë, Fatmir Hoxha, i denoncuar si një njeri që nuk ka bërë burg asnjë ditë, tha se mjekët duhet t’u bëjnë alizat, për të provuar që nuk kanë konsumuar ushqim. Lajmi se të përndjekurit hanë bukë ka revoltuar edhe ish- kryeministrin Sali Berisha. “Ata hanë si derrat”. Të dashur miq, me këtë fjalë hapi sot me germa kapitale gazetat e tij për të përndjekurit politikë në grevë urie, Edvin Kristaq Rama, nipi i Spiro Kolekës, xhelatit të inteligjencës teknike shqiptare dhe i biri i Kristaq Ramës, njeriut që firmosi varjen në litar dhe ekzekutimin e njerëzve të pafajshëm për bindjet e tyre politike edhe pas rënies së murit të Berlinit. Qytetarë, le t’ju shprehim ne atyre solidaritetin më të madh për dinjitetin njerëzor kundër mashtrimit të neo-bllokmenit Edvin Kristaq Rama! Rama IK! IK! IK!” shkruan Berisha. Po mirë o zotëri, si ka mundësi që flet ti për greva urie? Ti i bëre t’i venë flakën vetes me mosreagimin tënd ish-të përndjekurit? Je dhe doktor pa le!