“Njohje historike për Kosovën”

Ish-kryeministri Berisha, komenton në Facebook njohjen e Kosovës si shtet nga rrjeti social. Berisha, I cili nuk ka më angazhimet e mëparshme është mjaft aktiv në Facebook, ku bën postime dhe shpreh opinionin e tij lidhur me çështje të ditës.

”Superfuqia botërore e komunikimit njeh Kosovën e Pavarur!

Të dashur miq, një lajm shumë i gëzueshëm erdhi këto ditë për të gjith qytetarët e Kosovës në tërësi, miqtë tanë të FB në veçanti por dhe mbarë kombin shqiptar. Flamuri i Kosovës së pavarur valëvitet tani krenar në selinë qendrore të Facebook. Tani përdoruesit që do vendosin vendodhjen e tyre në faqe do të kenë opsionin Prishtina, Kosova. Njohja nga FB si shtet i pavarur është një arritje historike për Kosovën. Facebook vërtet nuk është një vend i pavarur me një votë në OKB por është superfuqia numër një e komunikimit në botë. Kështu që tani rrjeti social i FB, me mbi 1 miliard përdorues, paraqet një platformë të shkëlqyer që do të ndihmoje miliarda njerëz në botë për të kuptuar se Kosova e pavarur është një realitet i padiskutueshëm në zemër të Europës.

Mirënjohje të thellë z Mark Zuckerberg dhe bordit të Facebook për vendimin e tyre historik për Kosovën! Urime Kosovë, Urimë miq të rrjetit tonë në Kosovë! Sb”