Australi – Në ndeshjen më të rëndësishme për Brisbane Roar dhe në nivel personal, Besart Berisha ka bërë paraqitjen më të dobët. Dje skuadra e tij është mundur 0-1 në shtëpi nga Perth Glory, skuadra “armike”, të cilën Brisbane e mundi në finalen e sezonit të kaluar, me dy gola të sulmuesit shqiptar. Pikërisht në atë ndeshje ai u bë njeriu më i urryer për skuadrën kundërshtare dhe tifozët e saj, për shkak të penalltisë së vjedhur në minutën e 94-t, dhe në ndeshjen e parë të këtij sezoni, zhvilluar në Perth, ai ishte objektivi kryesor i sharjeve. Dje Berisha, ende jashtë forme, humbi tre raste të pastër, nga ato që normalisht i kthen pa asnjë problem në gola të sigurt.