Një nga ish-bashkëpunëtorët e Berishës, tashmë pjesë e Frymës së Re Demokratike, thotë se kryeministri i ka zero shanset për të qenë në pushtet pas zgjedhjeve të 23 qershorit.
Aleksandër Biberaj, nënkryetar i FRD-së, thotë në një intervistë për Shqiptarja.com se partia e tij do të jetë pjesë e një koalicioni të partive të djathta dhe të qendrës që do të fitojnë zgjedhjet.
Biberaj shprehet se FRD do të shkojë derë më derë për të kërkuar votat që do ta largojnë Berishën nga pushteti. Nënkryetari i FRD-së përsërit qëndrimin se partia e tij nuk bën koalicion me PD, PS dhe LSI, por vetëm me parti të djathta dhe të qendrës.