Ambasada Shteteve të Bashkuara të Amerikës ka reaguar lidhur me hapjen e garës për hetues në Byronë Kombëtare të Hetimit.
Sipas reagimit të saj, thuhet se SHBA-të janë të angazhuara në mbështetjen e përpjekjeve të Shqipërisë, siç e meritojnë shqiptarët, në krijimin e një sistemi drejtësie etik, transparent dhe profesional.
Më tej bëhet thirrje për personat që plotësojnë kriteret të aplikojnë për këtë pozicion, pasi sipas tyre Hetuesit e BKH-së do të jenë ndër pjesëtarët më të mirëtrajnuar dhe më të vetuar të organeve ligjzbatuese në vend dhe do të luajnë një rol kyç në dhënien e drejtësisë në emër të shqiptarëve.
“Shtetet e Bashkuara janë të angazhuara në mbështetjen e përpjekjeve të Shqipërisë në krijimin e një sistemi drejtësie etik, transparent dhe profesional, siç e meritojnë shqiptarët. Je pjesë e elitës që do ndihmojë në krijimin e një Shqipërie më të mirë? Hetuesit e BKH-së do të jenë ndër pjesëtarët më të mirëtrajnuar dhe më të vetuar të organeve ligjzbatuese në vend dhe do të luajnë një rol kyç në dhënien e drejtësisë në emër të shqiptarëve. Apliko këtu: https://bit.ly/3bKUsUv”
a.t / dita