Tre shtetas kanë përfunduar në pranga në kuadër të një operacioni të koduar “Euro”, nën akuzën për falsifikim kartëmonedhash.
Në pranga përfunduan shtetasit Kliton Nanushi, 35 vjeç, banues në Tiranë, i dënuar më parë për shfrytëzim prostitucioni, Juljan Mehmeti, 27 vjeç, si dhe Kleart Kalemi, 19 vjeç, banues në Tiranë, i dënuar me parë për vjedhje.
Këta shtetas dyshohen se përreth dy muaj, në dyqane të ndryshme, pika karburanti dhe lokale në qytetin e Tiranës dhe të Durrësit, bënin pagesa me kartëmonedha të prerjeve 50 euro të dyshuara të falsifikuara.
Në moketin e arrestimit këtyre shtetasve, u janë gjetur me vete 500 Euro, të dyshuara të falsifikuara.
Në cilësinë e provës materiale, janë sekuestruar:
– Një armë e ftohtë thikë me palosje me mbishkrimet Stainless
– Tre aparate telefonike të markave të ndryshme
– 10 kartëmonedha me prerje 50 Euro
– 3 kartëmonedha me prerje 5000 Lekë
– 2 kartëmonedha me prerje 1000 Lekë
– 2 karta sim,
Materialet procedurale i kaluan Prokurorisë pranë Gjykatës së Shkallës së Parë Tiranë, për veprën penale “Falsifikim i monedhave”, kryer në bashkëpunim.
E. Xh