Bllokohet fluturimi i një avioni në Rinas, piloti tapë me alkool

Policia Kufitare e Rinasit këtë të shtunë ka bllokuar fluturimin e një avioni, pasi kapiteni kishte konsumuar alkool, duke u shprehur se është e angazhuar për sigurinë e jetës së pasagjerëve të linjave ajrore.

Ndërkohë shtetasi spanjoll E. L., 47 vjeç procedohet penalisht në gjendje të lirë. Materialet ju referuan Prokurorisë së Rrethit Gjyqësor Tiranë për veprime të mëtejshme për veprën penale ”Drejtim mjeti në mënyrë të parregullt”.

Ky i fundit ishte kapiteni dhe në kohën që pasagjerët kanë qenë duke hipur në avion kolegu i tij ka njoftuar Policinë Kufitare të Rinasit dhe kompaninë që kapiteni ka kosumuar akoool në masë të madhe.

Policia Kufitare ka ndërhyrë menjëherë duke bllokuar fluturimin dhe ka kthyer pasagjerët në tranzit. Kompania ka marrë masat duke zëvendësuar kapitenin (pilotin) me një tjetër dhe për këtë shkak është shtyrë fluturimi për 5 orë më vonë.

Shtetasit E. L., pas kërkesës së kompanisë ajrore i është bërë testi i alkoolit dhe nga bërja e testit të alkoolit kapiteni ka rezultuar pozitiv, pasi kishte konsumuar alkool në masën 0.35 mg/l testi i parë dhe 0,31mg/l testi i dytë.

L.V/ Dita