Autoriteti Rrugor Shqiptar nëpërmjet një shkrese i ka kërkuar Drejtorisë së Policisë Rrugore në Drejtorinë e Përgjithshme të Policisë së Shtetit, bllokimin e qarkullimit të automjeteve në të dyja kahet e lëvizjes në rrugën Tiranë- Elbasan në fshatin Ibë , duke filluar nga ora 08.00 e mëngjesit të së shtunës deri në orën 20.00 të mbrëmjes të së dielës.
Policia e Shtetit bën me dije të gjithë drejtuesit e automjeteve që kanë planifikuar të qarkullojnë në këtë aks rrugor gjatë fundjavës që lëvizja do kryhet nga rruga e Durrësit.
Njësia e Menaxhimit të Projektit të rrugës Tiranë- Elbasan së bashku me Kontraktorin që po kryen punime ,gjatë dy ditëve do të kryejë punime për heqjen e masës shkëmbore dhe masivin e dheut që është shumë pranë rrugës ekzistuese.
Meqenëse ky proces duhet të kryhet në kushte të larta sigurie për shkak të rrezikshmërisë që ai mund të paraqesë për banorët e zonës dhe përdoruesit e rrugës , Policia Rrugore në bashkëpunim me Patrullat e Përgjithshme të Policisë Rendit do të marrë masa për bllokimin e rrugës duke mos lejuar të qarkullojë në këtë aks rrugor asnjë automjet, si dhe nuk do të lejojë banorët që të lëvizën në zonën ku do kryhen punime.
Haxhinasto po rruan leke…patjeter % dhe Likja…bravo qiveria.