Bateria e celularit ka shmangur shpërthimin e bombës të vendosur në afërsi të stacionit të autobusit, pranë Urës “Vasil Shanto” në Tiranë ku parkon automjetin e tij babai i ministrit të Brendshëm Saimir Tahiri.
Ekspertiza ka arritur në konkluzionin se voltazhi i kapsollës elektrike që do të aktivizonte shpërthimin ishte dy herë më i lartë sesa fuqia furnizuese e baterisë së telefonit celular të përdorur në ngjarje.
Ky ka qenë dhe shkaku që pavarësisht thirrjeve telefonike në numrin e telefonit të montuar në bombë, lënda nuk ka plasur.
Bateria e përdorur për furnizimin me rrymë të kapsollës elektrike, nuk ka pasur fuqinë e mjaftueshme për të bërë aktivizimin.