Zona verilindore e vendit po përballet me të ftohtin dhe reshjet e borës prej disa ditësh. Vështirësi në qarkullim hasen sidomos në akset rrugore që lidhin fshatrat me qendrat e rretheve Tropojë, Kukës e Pukë.
Por, përveç temperaturave të ulëta, reshjeve të borës dhe problemeve në qarkullim, banorët e Kukësit dhe Pukës po përballen edhe me mungesën e energjisë elektrike.
Mungesa e energjisë elektrike, përveç pamundësisë për ngrohje, ka shkaktuar edhe mosfurnizimin me ujë të dhjetëra familjeve në këto dy qytete.