1. SHBA
Elisabet Tejlor është renditur e para në listën e artistëve më të pasur që kanë ndërruar jetë. Pasuria e Tejlorit ka arritur shumën e 210 milionë dollarëve. Ajo lë pas Majkëll Xheksonin, që renditet i dyti me 145 milionë. Pasuria e saj u shumëfishua nga ankandet e bizhuterive dhe veshjeve që ka përdorur.
2. Greqi
Parlamentarët grekë miratuan të hënën buxhetin e 2013-s që përfshin shkurtime të mëtejshme të shpenzimeve. Buxheti u miratua me 167 vota pro e 128 kundër, ndërsa jashtë parlamentit 20 mijë protestues hidhnin parulla kundër. Ekonomia greke pritet të tkurret në vitin e ardhshëm me 4.5%.
3. Slloveni
Raundi i parë i zgjedhjeve presidenciale përfundoi në balotazh. Ish-kryeministri Borut Pahor, lider i social-demokratëve, fitoi 40% të votave, të cilat nuk kanë qenë të mjaftueshme për t’u shpallur fitues përballë presidentit në detyrë, Danilo Turk. Raundi i dytë i zgjedhjeve do të zhvillohet më 2 dhjetor.
4. Itali
Banorët e një qyteti të vogël të Italisë, në Akualanja do ta urojnë presidentin e SHBA-së duke i dhuruar një kërpudhë të bardhë të madhe me peshë 1 kg, me vlerë 600 euro. Kërpudhat e bardha janë lloji më i shtrenjtë i këtij ushqimi në Itali dhe kultivohen vetëm në rajone të caktuara të këtij vendi
5. Serbi
Sipas gazetës “Veçernje novosti”, ndërkombëtarët janë shprehur se Beogradi duhet të përmbushë disa kushte për fillimin e negociatave me BE-në. Duhet të bëhen përpjekje për “normalizimin e marrëdhënieve me Prishtinën, arritjen e marrëveshjes mbi çështjen e energjisë e telekomunikacionit”.
6. Angli
Duket se për motrën e princeshës së Anglisë, Pipa Midëllton, ka lajme të këqija. Ajo duhet të rishikojë librin e saj të këshillave se si të organizojmë festa të përkryer, ndërkohë që ka shitur vetëm 2000 kopje në javen e parë, pavarësisht fushatës publicistike të paparë që kushto 500 mijë euro.
7. Portugali
Kancelarja gjermane, Angela Merkel vizitoi të hënën Portugalinë. Vizita e saj në Lisbonë u parapri nga deklaratat e saj për shkurtimin e shpenzimeve buxhetore. Kjo nënkupton uljen e pagave, pensioneve, shtimin e papunësisë. Vizita e Merkelit u prit me protesta nga vendasit.
8. Palestinë
Presidenti i Autoritetit Palestinez, Mahmud Abas, shpreh se ekspertët rusë do t’i bashkohen ekipit të hetuesve zviceranë dhe francezë për ekzaminimin e eshtrave të liderit palestinez, Jaser Arafat, i cili ndërroi jetë në një spital të Parisit në 2004-n. Arsyet e vdekjes së tij nuk u bënë kurrë të qarta
9. Egjipt
Lideri xhihadist egjiptian, Murgan Salem al Gohar, u shpreh në një emision televiziv se “Sfinksi dhe Piramidat e Gizës, ashtu si statujat e Budës në Afganistan, duhet të shkatërrohen”. Dhoma e tregtisë dhe turizmit në Egjipt i dënoi këto deklarata, të cilat e dëmtojnë sektorin e turizmit edhe më tepër.
10. Francë
Për të luftuar ndotjen e ajrit në Paris, kryebashkiaku Bertrand Delano ka pasur një ide të pazakontë: u ka ofruar të gjithë banorëve që pranojnë të mos përdorin makinat e tyre të vjetra abonim falas në shërbimin me makina elektrike (apo ekologjike) siç quhen, të dizenjuara për kryeqytetin
11. Zimbabve
Sipas “Associated Press”, të paktën 2 miliardë $ janë vjedhur dhe tregtuar nga fushat lindore të Zimbabves për të pasuruar rrethin e presidentit Robert Mugabe. Fushat Marange kanë pësuar plaçkitje të mëdha të diamantëve nga manjati Sesil Rodes, i cili prej shumë kohësh i shfrytëzon ato.
12. Japoni
Ministri i Ekonomisë, Seji Maehera, ka kërkuar nga Banka e Japonisë lehtësime monetare për të luftuar inflacionin. Deklarata vjen pas publikimit të të dhënave nga qeveria që tregojnë se ekonomia japoneze është tkurrur me një ritëm vjetor prej 3.5% gjatë periudhës korrik-shtator.