Britania e Madhe po shkon drejt normalizimit të situatës me pandeminë e koronavirusit, pas rritjes së menjëhershme të infektimeve që përkuan dhe me shkeljen e rregullave gjatë Kampionatit Europian të Futbollit.
Të dhënat e Ministrisë së Shëndetësisë bëjnë me dije se gjatë 24 orëve të fundit rezultuan 31 795 raste të reja me koronavirus, ose 41% më pak nga e shtuna e kaluar kur ishin 54 mijë.
Rastet ditore të infektimeve ranë për të katërtën ditë radhazi, megjithatë autoritetet e shëndetit publik nuk bëjnë me dije numrin e viktimave për shkak të një problemi teknik.
e.r/dita