Dihet, bakllavaja është ëmbëlsirë tradicionale që përgatitet nga besimtarët myslimanë, sidomos gjatë festave të Bajramit. Por, në vend se këtë produkt ta nxjerrin për shitje shqiptarët apo turqit, këtë biznes duket se do e zhvillojnë anglezët.
Kompania britanike New Bakery ka investuar gjysmë milion euro për të ngritur fabrikën më të madhe në Evropë për prodhim të bakllavasë, shkruan Trend & Innovation. Ata kanë kombinuar fuqinë e lirë punëtore në Kroaci duke shfrytëzuar rastin që ky shtet është pjesë e BE-së. Natyrisht e dinë që në fillim se do të kenë blerës në Ballkan, por edhe më gjerë në Evropë e deri në Arabi.