Bujar Nishani përfundon në spital pas komplikacioneve të COVID, nga Sanatoriumi transferohet në Gjermani

Ish-presidenti i Shqipërisë, Bujar Nishani është shtruar në spital.

Nishani u shtrua mbrëmjen e djeshme në ‘Sanatorium’ pasi nuk ishte në gjendje të mirë shëndetësore.

Mësohet se ish-presidenti vuan nga infeksion pulmonar post-COVID.

Sot mësohet se ish-presidenti Bujar Nishani është dërguar për mjekim jashtë shtetit, konkretisht drejt Gjermanisë.

Burime bëjnë me dije se ish-presidenti Nishani ka nevojë për mjekim më të specializuar, ndaj është kryer transferimi nga ‘Sanatoriumi’ në një spital në Gjermani.

Nishani ka patur fibrozë post Covid, e cila i ka shkaktuar ulje të nivelit të okrigjenit në gjak si edhe parametra të tjera problematikë, duke bërë të domosdoshme dërgimin e tij jashtë.

Bujar Nishani ka qënë deputet i Partisë Demokratike në Kuvendin e Shqipërisë dhe Ministër në Qeverinë e Shqipërisë. Nga marsi 2007 – shtator 2009 mbajti portofolin e Ministrit të Brendshëm; nga shtatori 2009 – prill 2011 kreu detyrën e Ministrit të Drejtësisë; për t’u rikthyer përsëri në prill të vitit 2011 si Ministër i Brendshëm, detyrë të cilën e mbajti deri në qershor të vitit 2012, kohë në të cilën Kuvendi i Shqipërisë e zgjodhi në detyrën e Kreut të Shtetit.

j.l./ dita