Vetëm 190 ditë kanë mbetur dhe shqiptarët do e rrëzojnë murin e bllokimit. Me këtë deklaratë të fortë ka ardhur Partia Demoktratike përmes deputetes Rajmonda Bulku.
Në një konferencë për media Bulku fajësoi Partinë Socialiste dhe lidershipin e saj Edi Rama për mbajtjen peng të tre ligjeve, cfarë sipas saj solli dhe humbjen e statusit kandidat për të tretën herë radhazi.
“Bashkimi Europian ka treguar që e mbështet integrimin e Shqipërisë.Rama nuk pranoi miratimin e tre ligjeve dhe bllokoi statusin për të tretën herë radhazi.Sa herë që Rama pëson humbje personale, hakmerret me qytetarët dukebllokuar statusin”tha ajo.
Ndërkaq deputetja demokrate u shpreh se qytetarët nuk do i’a falin Ramës dhe do e rrëzojnë murin e bllokimit.
“Më 23 qershor Rama do të paguajë faturën më të rëndë për bllokimine statusit të vendit” përfundoi ajo.