Shteti më i varfër i BE për herë të parë do drejtojë Europën

Bullgaria, shteti më i varfër anëtar i Bashkimit Evropian, mori sot për herë të parë, presidencën e rradhës së Bashkimit Europian.

Kryeministri i vendit Bojko Borisov shkruajti në llogarinë e tij në fejsbuk se Bullgaria merr kryesimin e Unionit në një moment kyç për Bashkimin Europian.

Slogani” Fuqia vjen nga bashkimi “le të na udhëheqë”- thekson Borisov në postimin e tij.

E pozicionuar në kufijtë e jashtëm të Bashkimit Evropian dhe Turqisë, Bullgaria përkrah marrëveshjen për migracionin mes Brukselit dhe Ankarasë dhe përmirësimin e marrëdhënieve mes tyre.

Presidenca bullgare përkon me shyrtimin e hapjes së negociatave për disa vende të Ballkanit Perëndimor dhe periudhën e tranzicionit pas Brexit.

Sipas një sondazhi të kohëve të fundit nga Instituti Gallup, 62% e qytetarëve bullgarë kanë besim në Bashkimin Evropian.

Presidenca e BE-së zgjat për 6 muaj.

Përpara Bullgarisë, bllokun e kryesoi Estonia.

Bullgaria është bërë pjesë e BE-së më 2007.

Më 17 maj, liderët e BE-së do të takohen me homologët e tyre ballkanikë për një samit në Sofje.

b.m / dita