Nuk e jap dorëheqjen se u vodh një kishë. Janë me qindra kisha dhe xhamia në vend, nuk mund t’i ruajmë të gjitha. Ky ishte thelbi i deklaratës së ministrit të Kulturës, Aldo Bumçi, gjatë konferencës për shtyp në lidhje me dëmtimin e afreskeve të Onufrit në kishën e Shën premtes në Valësh të Elbasanit.
“Kërkesa për dorëheqje është e drejtë civile, por kjo nuk e ndihmon debatin. Por nëse vidhet xhamia e Et’hem Beut, mos duhet bërë përgjegjëse ministria”, tha Bumçi.
Ndërsa në lidhje me protestën e organizuar nga Forumi i Mbrojtjes së Trashëgimisë Kulturore, për rastin e mësipërm, Bumçi u shpreh se nuk merr për bazë mendimin e pseudoforumeve.
“Ata nuk kanë asnjë lidhje dhe nuk kanë nxitur asnjë debat apo ide. Për më tepër kanë pasur postet më të larta të trashëgimisë kulturore në kohën e qeverisjes socialiste”, tha ministri Bumçi.
Cfare ministri! Duket qe ka ardh fundi. Shteti po ngre duart perpjete per cdo gje.