Gjykata e Laçit ka vendosur masën e sigurisë “arrest me burg” për Xhelal Peposhin, të akuzuar si bashkëpunëtori kryesor i Jetmir Llanit. Ky i fundit është i dyshuar për vrasjen e Gentian Shkretës dhe plagosjen e vëllait të tij. Vendimi për masën e sigurisë u mor pas kërkesës së prokurorisë, e cila paraqiti dyshimet se Peoposhi kishte ndihmuar vrasësit.
Mësohet se Peposhi ka denoncuar vjedhjen e mjetit të tij tip “Benz” pak pasi ndodhi krimi. Por më pas ekspertët dyshuan se ai ishte njeri nga personat që i ka dhënë ndihmë të dyshuarit për vrasjen e Gentian Shkretës dhe plagosjen e vëllait të tij.